Gikumpirma sa media sa Iran nga ang anak nga babaye, umagad nga babaye, ug apo nga lalaki ni Supreme Leader Ayatollah Ali Khamenei namatay sa mga airstrike nga gihimo sa Estados Unidos ug Israel sa iyang compound sa Tehran.
Sumala sa report sa Fars News Agency ug uban pang lokal nga media sa Iran, ang mga miyembro sa pamilya sa lider namatay sa mga airstrike.
Gikumpirma ang ilang kamatayon human ang kasaligang mga tinubdan nagbutyag kanila sulod sa balay sa Supreme Leader.
Ang US ug Israel naglunsad og hiniusang mga operasyon sa kombat sa Iran nga nagtumong sa pagpukan sa rehimen sa Ayatollah.
Hangtod karon, ang kampo ni Khamenei wala pa magpagawas og opisyal nga pahayag bahin sa iyang kaugalingong kahimtang, bisan pa nga ang Punong Ministro sa Israel nga si Netanyahu kaniadto nagpahibalo nga adunay mga timailhan nga ang Supreme Leader mismo namatay usab sa pag-atake.
Samtang, ang pipila ka mga opisyal sa Islamic Revolutionary Guard Corps (IRGC) nag-insister nga si Ayatollah Khamenei buhi pa ug nga ang pahayag nga siya patay na kabahin lamang sa “psychological warfare” sa Israel ug US.
