GENSAN- Subling midepensa ang Team Pacquiao sa nahimong performance ni Manny Pacquiao sa away nila ni Floyd Mayweather nga nahitabo kaniadtong 2015.
Matud ni General Santos City Councilor Franklin Gacal, para sa kahibalo sa publiko nga adunay injury si Manny sa abaga sa unang away nila ni Mayweather, busa nahibal-an nila nga malisod alang kaniya ang pagpakig-away.
Apan, matod niya nga lisod pugngan ang usa ka dakong away nga dugay nang gipaabot sa tibuok kalibutan.
Gipasiugda ni Gacal nga ang boksing usa ka delikado nga isport ug bisan unsa ang mahimong mahitabo sa ring, labi na karon nga ang mga boksidor may edad na.
Busa, nangayo si Gacal og pag-ampo sa tanan nga unta maayo ang katapusan sa away ug walay bisan kinsa nga madaot sa duha ka sikat nga boksidor.
Sa nahisgutang away, walay titulo nga nakataya apan gipasalig sa kanhi eight division boxing champion nga ang away tinuod og labaw sa tanan kini ikulit sa ilang rekord sa boksing.
