GENSAN- Gipadayag ni Atty. Rogelio Garcia nga ang tanang alegasyon batok kang kanhi Presidente Rodrigo Roa Duterte sa nagpadayon nga confirmation of charges hearing sa ICC ginakontra sa depensa.
Gipakita sa prosekusyon ang mga video clips ni Duterte nga giingong nagpakita sa paghulma sa Davao Death Squad sa dihang mayor pa siya sa Davao City.
Sumala kang Garcia, gisupak ni Atty. Nicholas Kaufman ang maong mga alegasyon ug giingong kulang kini sa kamatuoran. Gipasabot usab niya nga ang mga video ug hulagway dili direktang ebidensya nga nagmando ang kanhi Presidente sa kapulisan sa giingong mga pagpatay.
Dugang pa niya, wala kunoy personal nga kaila ang kanhi Pangulo sa mga indibidwal nga nalambigit sa mga insidente nga resulta sa operasyon batok sa ilegal nga droga.
Gilauman nga matagaan pa ug higayon ang depensa sa hingpit nga pagtubag sa tanang ebidensya nga gipresentar sa prosekusyon
