GENSAN- Mitubag si City Mayor Lorelie Pacquiao bahin sa pahayag ni Congresswoman Shirlyn Bañas Nograles sa Lone District of Gensan nganong dili siya ang sawayon sa dako niya hulagway sa tarpaulin nga gibutang sa General Santos City Airport.
Matud ni Mayor Pacquiao, ang maong tarpaulin nakabalandra na sa wala pa ang guidelines sa DILG nga bawal ang pagbutang og tarpaulins nga anaa ang hulagway og pangalan sa politiko.
Aminado kini nga nakuratan siya nga nawala ang tarp sa dihang miabot siya sa airport gikan sa Cebu.
Gipasusi niya kang City Administrator Shandee Llido Pestanio unsay nahitabo og nahibaw-an gikan sa CAAP-GenSan nga gipatangtang sa usa ka opisyal nga aduna matod pay taas og ranggo ang tarpaulin niya og kini gibalewala na lang niya tungod dili ganahan og samok.
Bahin sa isyu sa pagpang-bash, giangkon ni Mayor Pacquiao nga nahimuot kini nga morag siya ang gusto ni Congresswoman Shirlyn Bañas-Nograles nga unahon og saway tungod sa iyang tarp sa Airport.
Sumala ni Mayor Pacquiao nga ang mga tawo ang naga-bash kang Bañas og dili siya, butang nga dili niya kontrolado ilabina nga adunay pipila ang gustong magdepensa kaniya. Isip dugay na nga politiko, anad na siya sa mga naga-bash kaniya.
Kahinumdoman nga mitubag na usab si Bañas sa tarpaulin nga adunay hulagway niya atol sa usa ka kalihokan nga gitambongan niya diin miani kini og pagsaway. Atong paminawon ang pagpaklaro usab ni Shirlyn Bañas-Nograles sa maong isyu.
Ang pamahayag ni Congresswoman Bañas.
