Naluwas ang 50 ka pasahero ug lima ka tripulante human nahagsa ang eroplano sa kadagatan sa Somalia.
Base sa inisyal nga imbestigasyon, ang Starsky Aviation, usa ka eroplano nga Fokker 50, nakasinati og teknikal nga problema pipila ka minuto human sa pag-takeoff gikan sa Mogadishu International Airport.
Midugang ang Civil Aviation Authority (CAA) sa Somalia nga ang piloto mihangyo nga mobalik tungod sa problema apan wala mohunong sa runway ug nalabyan ang Tarmac sa wala pa mahulog sa mabaw nga bahin sa dagat.
Luwas nga nakagawas ang mga pasahero sa eroplano human kini nahagsa sa Indian Ocean.
Gidayeg nila ang paspas ug kalmado nga pagdesisyon sa piloto aron masiguro ang kaluwasan sa tanan.
Padayon nga giimbestigahan sa mga awtoridad ang insidente.
