Gihangyo ni Presidente Ferdinand Marcos Jr. ang mga magbabalaod nga unahon ang pagpasa sa balaod nga magwagtang sa travel tax ug magdili sa mga political dynasty sa nasud.
Sumala ni Communications Undersecretary Claire Castro, kini duha lang sa 21 ka prayoridad nga mga balaodnon nga gusto ipasar sa mga magbabalaod sa dili pa mag-adjourn ang Kongreso sa Hunyo.
Gipagawas sa presidente ang mando atol sa ika-3 nga miting sa Legislative Executive Development Advisory Council (LEDAC) sa Malacañang.
Dugang ni Castro nga ang ubang mga biyahero dili lang para sa pagsuroy-suroy ug ang uban para sa trabaho.
Sa pagkakaron, sumala sa Tourism Infrastructure and Enterprise Zone Authority (TIEZA), ang mga pasahero sa first class seat mobayad og P2,700 nga travel tax samtang ang mga pasahero sa economy class mobayad og P1,620.
