GENSAN- Gipasalig ni Gensan City Police Director Police Colonel Nicomedes Olaivar Jr nga dayon nga masulbad ang pagpamusil patay kay Allan Sayas Granada Jr., 38 anyos, usa ka negosyante sa Zone 1, Purok Balunto, Barangay Labangal, sa miaging gabie.
Matod ni Olaivar, gipatutukan na niya sa Makar Police Station ang kaso, kung asa sa pagkakaron, posibleng selos sa negosyo ang usa sa mga motibo nga ginatan-aw sa kapulisan.
Gibutyag sa nasampit nga opisyal nga aduna nay person of interest nga posible nipusil patay sa biktima.
Sa pagkakaron, gina-estudyohan ang mga kuha nga CCTV footage aron sa posibleng pag-ila sa mga suspek.
Kahinumdoman nga isirado na unta sa biktima ang iyang tindahan sa dihang giduolan sa duha ka wala mailhing lalaki og gipusil sa makadaghang higayon hinungdan sa iyang kamatayon.
Dayon nga gisulbad sa kapulisan ang pagpamusil-patay ni Allan Sayas Granada Jr. sa Gensan, posible selos sa negosyo ang motibo
