13 patay sa pagka-diskaril sa tren sa Mexico

Trese ka tawo ang namatay ug 98 ang nasamdan human nadiskaril ang usa ka tren sa Mexico.

Nahitabo ang insidente sa Asunción Ixtaltepec, Oaxaca sa nag-unang linya sa tren tali sa Veracruz ug Salina Cruz.

Kapin sa usa ka gatos ka mga personahe sa navy ug mga sakyanan sa pagluwas ang gipadala sa lugar.

Samtang, gipasalig ni Presidente Claudia Sheinbaum sa Mexico nga nagmando na siya og imbestigasyon ug nagpasalig og tabang sa mga pamilya sa mga biktima.

Ang tren gipadagan sa Interoceanic Train links sa baybayon sa Pasipiko ug Gulpo sa Mexico ug ang serbisyo niini nagsugod niadtong 2023.