Kawatan og manok panabong sikop sa kapulisan

GENSAN – Mag bag-ong tuig sa prisohan ang mga kawatan og manok panabong human madakpan sa kapulisan sakop sa Police Station 8 sa pagpanguna ni Police Major Robert Fores.

Ang mga responsable sa sunod-sunod nga pagpangawat sa kagabhion, operasyong gihimo subay sa daghang reklamo gikan sa mga lumulupyo ilawom sa ilang area of responsibility.

Ang mga suspek nadakpan sa Barangay Mabuhay ning siyudad samtang sakay sa ilang motorsiklo ug bitbit pa ang ilang mga kinawat nga manok panabong, hinungdan nga gilayon silang gidala sa Police Station 8 alang sa hustong proseso.

Samtang sa kasamtangan padayon ang pagdagsa sa mga reklamante aron pormal nga magpasaka og reklamo batok sa nadakpang mga suspek.