Gipildi sa San Antonio Spurs ang Oklahoma City Thunder nga kanhi kampion og naghupot sa pinakanindot nga record karon sa NBA sa iskor nga 117-102.
Gipangunahan ni De’Aaron Fox ang Spurs nga nakahimo og 29 points samtang ang superstar nga si Victor Wembanyama adunay 19 points og 11 rebounds sa sulod lamang sa 26 ka minuto.
Samtang, dakong tabang usab ang 19 points ni Stephon Castle alang sa kadaugan sa Spurs.
Wala usab misaler ang kamaayo sa reigning NBA Most Valuable Player nga si Shai Gilgeous-Alexander og ang 22 points niini sa iyang team apin ang 13 points og 12 rebounds ni Isiah Hartenstein ingon man ang 10 points og 12 rebounds ni Chet Holmgren aron ipadaog ang ilang Thunder.
Sa sinugdanan sa dula, milabaw dayon ang Thunder apan dayon usab kining nagukod sa Spurs og gilamangan pa kung asa natapos ang unang quarter sa iskor nga 41-36, pag-abot sa second quarter, midako pa ang labaw sa Spurs hangtod sa giselyuhan na sa team ang ilang kadaugan human sa 23-7 run sa ikaupat nga quarter.
Kini na ang ika-5 ka kapildihan sa Oklahoma karong season apan nagpabilin gihapon nga nanguna ang team sa NBA standing nga adunay record nga 26-5, samtang misunod usab niini ang Spurs nga aduna usab 23-7 nga record.
