-- ADVERTISEMENT --
GENSAN – Gipahimangnoan ni PLTCOL. Patrich Elma, hepe sa Traffic Enforcement Unit sa Gensan, ang mga motorista nga magbantay sa pagmaneho sa kalsada.
Giawhag niya nga likayan ang pagbiyahe kon nakainom og alkohol tungod kay adunay kalainan sa kontrol ug reaksyon sa sakyanan kumpara sa normal nga pagmaneho.
Gipasabot usab niya nga aduna’y balaod nga napatuman sa pagmaneho samtang anaa sa wisyo sa alkohol o sa bisan unsang iligal nga droga, ug adunay angay nga silot ang madakpan niini.
Kini nga pahimangno gihimo aron mapadayon ang kahapsay ug kaluwasan sa kadalanan, labi na sa panahon sa selebrasyon sa Kapaskuhan ug Bag-ong Tuig.
