GENSAN– Padayon pang giimbestigahan sa mga otoridad ang pagkarambola sa tulo ka mga sakyanan sa National Highway, Brgy. Katangawan, Gensan niadtong December 22. 2025.
Matod ni PLtC.Patrich Elma, labaw sa Traffic Enforcement Unit(TEU) Gensan, ang mga nalambigit mao ang Toyota vios, Mitsubishi strada og Isuzu crosswind.
Samtang adunay nasamdan sa maong aksidente kung asa gipangdala usab sa balay-tambalanan.
Sa imbestigasyon ang 3 ka sakyanan ang pulos padulong sa Digos Makar Road apan pag-abot sa Intersection sa Prk. 10 Digos Makar Road, ang crosswind nga maneho ni Marcelo Calingan Jr, 52 anyos nga taga Glan Sarangani ang kalit lang miliko pa-wala hinungdan nga mibangga sa Strada nga maneho ni Rodolfo Velasco, 64 anyos nga taga Bukidnon.
Samtang tungod sa kakusog sa pagbangga sa maong 2 ka sakyanan, nibangga ang crosswind sa Vios nga maneho usab ni Dave Tutor Basquel, 40 anyos nga taga Prk. 19 Lagao ning syudad.
Gibutyag ni Elma nga pulos nakaangkon og dagkong damyos ang tulo ka sakyanan samtang ang driver sa Strada og Crosswind ang parehas nga nadala sa ospital.
