Gipaambit ni Miss Universe 2025 third runner-up Ahtisa Manalo nga naghunahuna siya nga siya ug si Miss Cote d’Ivoire Olivia Yace ang posibleng final two.
Miingon siya nga kini tungod kay naminaw siya sa mga tubag sa matag kandidato sa Q&A segment.
Bisan sa iyang maayo kaayong performance ug kahanas sa pagsulti sa Q&A, si Olivia ang nakakuha sa pinakaubos nga puntos taliwala sa lima ka top contenders, samtang si Miss Mexico Fatima Bosch, nga daw pinakaluya kanila, ang nakakuha sa korona.
Giingon usab ni Ahtisa sa iyang interbyu kang Vice Ganda nga naa siya sa “laban mode” sa gabii sa pageant ug mihatag og maayong away dili lang para sa iyang kaugalingon apan para sa nasud.
Samtang, gihisgutan usab ni Ahtisa ang kontrobersyal nga walk-out ni Fatima atol sa pre-sashing ceremony niadtong Nobyembre sa dihang gi-spotlight ni Nawat Itsaragrisil, Presidente sa Miss Grand International, si Fatima tungod sa giingong wala pagsunod sa mga lokal nga kinahanglanon sa promosyon.
Giingon ni Nawat nga adunay 20 ka mga kandidato nga wala mokooperar ug nangutana siya kung kinsa sila, apan walay mitubag, hinungdan nga nagkagrabe ang sitwasyon.
Matod ni Ahtisa nga nasuko si Nawat ug gitudlo si Miss Mexico, hinungdan nga siya ug ang ubang mga delegado migawas. Sa dihang gipangutana bahin sa mga pasangil online nga gitawag ni Nawat si Miss Mexico nga “dumb,” si Ahtisa miingon nga wala pa siya makadungog sa ingon nga pahayag.
Si Nawat kaniadto nagsang-at og kriminal nga reklamo batok kang Fatima tungod sa “repeated defamatory statements”” ni Fatima batok kaniya.
