Naglusad ang mga awtoridad sa South Africa og manhunt operation human sa usa ka makalilisang nga insidente sa pagpamusil sa usa ka tavern sa Bekkersdal, usa ka lungsod nga nahimutang sa usa ka lugar nga giminahan og bulawan duol sa Johannesburg, nga nakapatay og siyam (9) ka tawo ug napulo (10) ang nasamdan.
Sumala sa pulisya, gibanabana nga 12 ka wala mailhing mga armadong lalaki ang miabot sakay sa duha ka mga sakyanan, nga armado og mga pistola ug AK-47. Gipamusil nila ang mga tawo sulod sa tavern niadtong Domingo.
Pito ka lalaki ug duha ka babaye ang lakip sa mga namatay.
Ang mga awtoridad nag-ingon nga ang tavern adunay lisensya, apan walay klaro nga motibo sa pagpamusil.
Sumala ni Maj-Gen Fred Kekana, deputy provincial police commissioner sa South Africa, duha sa mga biktima ang gipusil sa gawas sa tavern samtang nagdagan, ug ang ikatulo usa ka drayber sa taxi nga bag-o lang nagpanaug sa usa ka pasahero sa duol.
Sa pagkakaron, ang pulisya nagpadayon sa pagpahigayon og mga imbestigasyon ug pagpangita aron mailhan ang mga suspek ug ang hinungdan sa pagpamusil.
