Opisyal nang natapos ang 2025 Southeast Asian Games nga gi-host sa nasod sa Thailand atol sa closing ceremony nga gipahigayon niadtong Sabado sa Rajamangala National Stadium sa Bangkok, diin mitambong ang mga atleta gikan sa nagkadaiyang nasod sa Southeast Asia.
Sa pagtapos sa biennial multi-sport event, ang host country nga Thailand ang nanguna sa medal tally human makatigom og 233 ka gold medals, 154 ka silver, ug 112 ka bronze, o total nga 499 ka medals.
Ang Pilipinas, sa laing bahin, nagtapos sa kampanya uban sa 50 ka gold, 73 ka silver, ug 154 ka bronze medals, nga nagbutang sa nasod sa ika-unom nga puwesto sa overall standings, luyo sa Thailand, Indonesia, Vietnam, Malaysia, ug Singapore.
Atol sa closing ceremony, ang gold medalist ug boksingero nga si Eumir Marcial maoy napili nga flag bearer sa Team Philippines, nga nagdala sa bandila sa nasod uban ang dakong garbo ug dungog.
Sa samang seremonya, opisyal usab nga gitunol ang hosting duties ngadto sa Malaysia, nga maoy mag-host sa 2027 SEA Games, ang sunod nga edisyon sa regional sports event.
