GENSAN – Gibutyag ni LTC Julius V. Taniza sa INF (GSC) Battalion Commander sa 73rd IB, 10ID, Philippine Army nga sa miaging tulo ka bulan, adunay pipila ka miyembro sa NPA nga misurrender sa mga kasundalohan.
Matud niya, ang uban niini dugay na nga milayo sa maong grupo sukad pa sa tuig 2018.
Nakita sa mga misurrender ang kaayohan sa serbisyo sa gobyerno ug ang maayo nga intensyon niini, busa nagpili silang mosurrender ug mobalik sa normal nga kinabuhi.
Giingon pa niya nga ang gobyerno nagpadayon sa paghatag og suporta ug livelihood programs alang sa mga misurrender aron mapadali ang ilang reintegration sa komunidad.
Ang maong kalihukan usa ka ehemplo sa positibong kolaborasyon tali sa military ug lokal nga panggamhanan aron masiguro ang kalinaw ug kaayohan sa katawhan.
