Pito ka tawo ang namatay human nahagsa ang usa ka pribadong jet samtang nag-emergency landing duol sa Toluca Airport sa Mexico.
Nahitabo ang insidente sa San Mateo Atenco, usa ka industrial area nga 50 kilometros gikan sa Mexico City.
Gikataho nga ang pribadong eroplano adunay sakay nga walo ka pasahero ug duha ka tripulante.
Sumala sa Mexico State Civil Protection, ang eroplano daw naningkamot nga mo-landing sa usa ka football field, apan nahagsa kini sa atop sa usa ka duol nga establisemento, nga miresulta sa usa ka dakong sunog.
Samtang, si San Mateo Atenco Mayor Ana Muñiz misulti sa Milenio Television nga tungod sa sunog, mga 130 ka tawo ang gipabakwit gikan sa palibot nga lugar.
Ang mga serbisyo sa emerhensya dali nga miresponde sa lugar, ug ang mga opisyal miingon nga maghatag sila og dugang nga mga detalye samtang nagpadayon ang imbestigasyon.
