GENSAN – Gipaabot ni Anne Vasquez, OFW Help Desk Focal Person sa Provincial Government of Cotabato nga nauli na sa ilang pinuy-anan sa Libongan, North Cotabato ang mga patay lawas sa OFW nga si Gladys Grace Rotaquio Testado, 28 anyos, usa ka company worker sa Japan, human kini na-repatriate pinaagi sa tabang sa Provincial Government of Cotabato ug sa gobyerno.
Gikumpirma nga niabot ang iyang lawas miaging adlawa.
Kahinumdoman nga si Gladys namatay niadtong Nobyembre 24, pasado alas-12:30 sa udto, sa Adachi Ward, Tokyo, Japan, human kini mabangga sa giingong kinawat nga sakyanan samtang mitabok sa pedestrian lane.
Kalit lang miabot ang sakyanan nga mibangga kaniya ug mao kini ang hinungdan sa iyang kamatayon.
Gibutyag ni Vasquez nga tulo na ka tuig nga nagpuyo ug nagtrabaho sa Japan si Gladys isip usa ka agriculturist.
Giklaro usab niya nga legal ug sakto sa dokumento ang pagtrabaho sa biktima ug adunay employer.
