Nagpatuman ang Department of Agriculture (DA) ug maximum suggested retail price (MSRP) nga ubos sa P400 kada kilo sa baboy.
Sumala sa DA, ang MSRP para sa liempo kay P370 kada kilo samtang ang pigue ug kasim kay P330 kada kilo.
Si DA Sec. Francisco Tiu Laurel Jr. miingon nga ang tumong mao ang pagpalig-on sa presyo sa baboy human sa pagkonsulta sa mga stakeholder sa industriya sa baboy.
Ang kalihim miingon nga ang pagsaka sa presyo sa liempo, nga miabot sa P480 kada kilo sa sayong bahin sa Nobyembre, dili makatarunganon, labi na tungod sa pagkunhod sa presyo sa farm gate nga naghulga sa panginabuhi sa gagmay nga mga mag-uuma og baboy.
Base sa Bantay Presyo sa DA, ang presyo sa pigue sa Metro Manila anaa sa P280 ngadto sa P390 kada kilo, samtang ang liempo anaa sa P320 ngadto sa P470.
Ang DA nagpatuman usab sa minimum farm gate price nga P210 kada kilo aron mapanalipdan ang mga lokal nga nag-alima og baboy gikan sa sobra ka ubos nga presyo sa pagpalit.
