Gipahibalo sa Court of Appeals ang pag-issue sa usa ka freeze order batok sa usa ka private construction firm nga giila nga adunay pinakadaghan nga “ghost flood-control projects” — mga proyekto nga gi-report apan wala gyud natuman.
Lakip sa gi-freeze nga mga kabtangan mao ang 280 ka bank account, 22 ka insurance policy, 3 securities account, ug 8 ka air assets. Sumala sa Anti-Money Laundering Council, kini nga lakang gikuha aron mapugngan ang posibleng paglusot sa pondo sa gobyerno ug aron masiguro ang imbestigasyon sa posibleng korapsyon ug malversation of public funds.
Ang kantidad sa tanan nga gi-freeze nga asset miabot sa humigit-kumang ₱13 bilyon. Ang aksyon nagpakita sa determinasyon sa gobyerno nga supakon ang mga irregularidad sa mga proyekto sa konstruksyon ug protektahan ang pondo sa publiko.
