GENSAN – Gisiguro ni City Mayor Lorelie Pacquiao nga makadawat og P30,000 nga incentives ang mga regular, casual, ug pro-term nga empleyado sa lokal nga kagamhanan sa General Santos.
Matod niya nga nakahimo na sila og rekomendasyon ug ila na kining napasa sa Sangguniang Panlungsod alang sa approval sa maong pondo.
Gipanghinaut sa mayor nga madali ang pag-uyon sa budget aron mapalipay dayon ang mga empleyado sa gobyerno sa dakbayan.
Gipasabot usab ni Mayor Pacquiao nga ang bonus usa ka paagi sa pag-ila sa pagpaningkamot sa mga empleyado sa tibuok tuig.
Gipasabot usab sa mayor nga ang CNA Incentive usa ka one-time cash benefit nga gihatag aron pasidunggan ang hugot nga serbisyo sa mga empleyado sa lokal nga gobyerno.
Naglaum siya nga kini makahatag og dugang kadasig sa mga kawani sa pagpadayon sa maayong pagserbisyo.
Ug nagsilbi usab kini nga timaan sa pagpasalamat sa LGU sa ilang kontribusyon sa kalampusan sa Gensan.
