4 patay sa airstrike sa Russia sa Ukraine

Upat ka tawo ang namatay sa pag-atake sa missile sa Russia sa Dnipro City sa Ukraine.

Kapin sa 40 ka tawo ang nasamdan usab sa insidente.

Giimbestigahan pa sa mga awtoridad sa Ukraine kung migamit ba ang Russia og usa ka klase sa ballistic missile.

Ang Dnipro mga 100 kilometros gikan sa front line nga kanunay nga gitarget sa Russia sukad nagsugod ang opensiba niini niadtong Pebrero 2022.

Ang pag-atake nahitabo usa ka adlaw sa wala pa ang mga panagsultihanay tali sa US ug Ukraine aron tapuson na ang opensiba sa Russia.