Gipildi sa Gilas Pilipnas ang Guam sa iskor nga 87-46 sa unang higayon sa FIBA Basketball World Cup Asian Qualifiers.
Si Justin Brownlee ang nangulo nga may 22 puntos sa dula nga gipahigayon sa Calvo Field House sa Guam.
Si Dwight Ramos nakapuntos og 10 puntos samtang si June Mar Fajardo adunay walo ka puntos ug 10 ka rebounds ug si AJ Edu adunay walo ka puntos ug walo ka rebounds.
Ang kadaugan usa ka maayong sinugdanan alang kang Quentin Millora Brown, kinsa bag-o lang miapil sa national basketball team, diin nakatala siya og unom ka puntos ug 10 ka rebounds.
Gikan sa pagsugod, wala na tugoti sa Gilas nga molambo pa ang Guam.
Ang Gilas Pilipinas mangandam na karon alang sa ilang ikaduhang duwa batok sa Guam, nga ipahigayon sa Blue Eagles Gym sa Disyembre 1.
