GENSAN – Gikonsidera sa kapulisan nga ‘case closed’ na ang pagpamusil sa usa ka truck driver sa gasolinahan sa Barangay Lagao, ning dakbayan sa Gensan.
Matod pa ni PCol. Nicomedes Olaivar Jr, City Director sa GSCPO, nga napatay sa hot pursuit operation ang suspek nga si Mohammad Ali S. Dialodin human matod pa misukol sa mga kapulisan.
Samtang ang kapuyo sa suspek ang balhog na usab karon sa Lagao Police Station human nga nadakpan sa otoridad sa gipahigayon usab nga hot pursuit operation.
Sa karon anaa pa sa tambalanan ang biktima nga si Hector Valdez, 50 anyos, minyo ug drayber sa usa ka food corporation. Ang nasampit naigo sa iyang abaga ug liog human nga gipusil sa suspek.
Hulaton na lamang sa kapulisan nga makagawas sa ospital ang biktima aron nga makapasaka og kasong frustrated murder batok sa babayeng suspek.
