Mihimo ug kasaysayan ang Brazilian skateboarding legend nga si Sandro Dias pinaagi sa paglukso gikan sa ngilit sa usa ka 22-ka-andana nga bilding sa Porto Alegre, Brazil niadtong Septyembre 25.
Gigamit ni Dias ang usa ka higanteng 198-ka-tiil nga gitas-on nga temporaryo nga quarter pipe ramp nga gilakip sa CAFF building.
Sulod lang sa walo ka segundos, ang 50-anyos nga atleta nakaabot sa gikusgon nga 103.8 km/h.
Tungod sa maong kalampusan, opisyal nga nakuha ni Dias ang duha ka Guinness World Records: ang Pinakapaspas nga speed skateboarding sa usa ka temporaryo nga quarter pipe ug ang Pinakataas nga pagkahulog ngadto sa usa ka temporaryo nga quarter pipe.
Si Dias miingon nga 13 ka tuig na niyang gipangandoy ang maong stunt. Bisan ang iyang kaubang legendary skateboarder nga si Tony Hawk nahingangha sa iyang nahimo.
Miingon usab siya nga ang mga materyales nga gigamit alang sa temporaryo nga rampa gamiton sa pagtukod og duha ka bag-ong skate park sa Porto Alegre.
