GENSAN– Gisugdan na karong adlawa ang gihimong imbestigasyon sa Sangguniang Panlungsod sa dakbayan may kalabotan sa Mabuhay Underpass Project.
Gipangunahan kini ni Kagawad Franklin Gacal Jr. isip author sa giduso nga resolusyon in aid of legislation.
Gipatawag sa maong imbestigasyon ang Vicente Lao Construction, DPWH District Engineer, City Engineers Office, Bureau of Construction sa DPWH, SOCOTECO II, og uban pa.
Gibutyag ni Kagawad Gacal Gacal nga tumong sa maong lakang nga masayran ang status sa maong multi million pesos nga proyekto og unsa ang hinungdan sa pagkalangan sa pagtapos niini.
Sa iyang pamahayag nga angayang 2024 pa unta kini mahuman apan wala matuman ang target completion.
Duda usab si Kagawad Gacal nga mahuman ang proyekto sa December 2025.
