Imbes maghunahuna sa iyang kaugalingon, usa ka tag-iya sa sari-sari store ang niuna sa pagtabang sa uban pinaagi sa pag-apod-apod sa iyang mga baligya ngadto sa mga silingan nga naapektuhan usab sa magnitude 6.9 nga linog nga miigo sa Sugbo.
Matud sa taho naila ang babae nga si Ethel Unabia nga taga Bogo City, kansang balay naguba sa kusog nga pagtay-og. Naguba usab ang iyang gamay nga sari-sari store.
Ang iyang mga baligya gikan sa iyang gihulaman nga kapital nagsilbing pantawid-gutum sa iyang mga silingan, human niya gipang-apod-apod ang mga pagkaon ug ilimnon sa iyang mga kaubang biktima sa linog.
Matud pa ni Unabia nga usa kini sa iyang paagi sa paghatag og kalipay sa usa ka paagi, ilabi na kay pito sa ilang mga silingan ang nangamatay sa linog.
Gumikan niini, kinasingkasing nga mapasalamaton ang mga silingan ni Unabia tungod kay bisan gamay nga butang ang ilang nadawat nga pagkaon ug ilimnon alang sa uban, dako kini nga butang alang sa mga wala’y nahimo human sa linog.
Sa samang higayon, nangabot usab sa Sugbo ang nagkadaiyang grupo nga nagpahigayon og relief operations, ug daghan ang natandog sa gihimo sa pipila ka Sugbuanon.
Kutob sa ilang mahimo, ilang gibalos ang kaayo sa mga nagtinabangay ug nagsuporta sa usag usa alang sa ilang pagkaayo.
