Napakyas si Filipina tennis star Alex Eala sa iyang paningkamot nga makaabot sa main draw sa 2025 Wuhan Open human siyang mapildi ni Moyuka Uchijima sa unang hugna sa qualifying round, score nga 4-6, 6-3, 2-6.
Ang duwa milungtad og kapin duha ka oras diin nakapugos si Eala og third set human siyang modaog sa ikaduhang set. Apan sa ikatulong set, mas miangkon og kumpiyansa ug kalig-on ang Hapon nga si Uchijima, nga dayon nakapahimus sa sayong panimpalad ni Eala ug mipadayon sa sunod nga round sa qualifiers.
Kini nga kapildihan mao na ang ikaduhang sunod nga talo ni Eala human usab siyang mapildi ni Viktorija Golubic sa quarterfinals sa Suzhou Open WTA 125 niadtong Biyernes.
Bisan pa sa resulta, padayon gihapon ang determinasyon sa 19-anyos nga Pinay tennis sensation nga makabawi sa umaabot nga torneyo. Barring any changes, gilauman nga mobiyahe si Eala paingon sa Osaka, Japan, alang sa Japan Open nga opisyal nga magsugod sa Oktubre 13.
Si Eala nagpadayon sa iyang kampanya sa Asian swing aron mapalig-on ang iyang world ranking ug makuha ang dugang kasinatian sa internasyonal nga kompetisyon.
