GENSAN – Nagpahimangno si Engr. Ronald Nuneza nga bisan limitado ang kagamitan ug pwersa sa City Engineers Office, padayon ang ilang paningkamot nga makaresponde dayon sa mga insidente ug problema nga mahitabo sa dakbayan. Matud pa sa opisyal, kinahanglan usab nga sabton sa katawhan nga dili pirmi dali ang pagtubag sa tanang reklamo ug panghitabo tungod sa kakuwang sa ekipo ug mga tawo.
Dugang pa ni Nuneza, dili malikayan nga adunay mga gamit nga madaot o maguba, hinungdan nga malangan usahay ang operasyon. Bisan pa man, ilang ginapaningkamotan nga bisan limitado ang ilang kapabilidad, matag suliran nga ihatud sa buhatan matubag ug masulbad sa labing paspas ug hapsay nga paagi.
Gipasabot usab niini nga nagakooordinar ang City Engineers Office sa uban pang ahensya ug lokal nga opisina aron mas mapalig-on ang pagtubag sa mga emerhensiya ug masiguro nga mahatagan ug prayoridad ang mga labing kinahanglanon nga lugar.
Nanawagan si Engr. Nuneza sa publiko nga magpadayon sa pagsabot ug pakigtambayayong, labi na sa paghatag ug husto nga impormasyon kung adunay kadaot sa imprastruktura aron dali kining matubag. Gihangyo usab niya nga magmatngon ang mga residente ug motabang pinaagi sa pagreport dayon sa ilang opisina kung adunay guba nga makapahamtang ug risgo sa katawhan.
