Nakabutang ug bag-ong Guinness World Record ang Roasters, usa ka Emirati coffee shop sa Dubai alang sa labing mahal nga tasa sa kape, nga nagkantidad og 2,500 dirhams (gibana-bana nga P39,000).
Niadtong Septembre 13, sang flagship location sa Roasters, ang kape giandam gamit ang V60 nga pamaagi sa handcrafted Edo Kiriko crystal glass .
Ang kape gihimo gikan sa hilabihan ka talagsaon nga Panamanian Geisha beans gikan sa umahan sa Hacienda La Esmeralda, nga gipalit sa mga roaster sa kantidad nga $604,000 (gibana-bana nga P35.5 milyon) sa usa ka subasta.
Nailhan sa ilang floral, fruity, ug citrusy note, ang Geisha beans mao ang nag-unang atraksyon sa Roasters.
Matod ni Konstantin Harbuz, CEO sa Roasters, ang pag-ila sa Guinness Record usa ka dungog ug pag-ila sa dedikasyon sa ilang team.
Gipakita usab niini ang nagkadako nga reputasyon sa Dubai isip usa ka destinasyon alang sa talagsaon nga mga kasinatian sa kape.
