-- ADVERTISEMENT --
Gitapos na sa House of Representatives ang deliberasyon ug sponsorship sa nagkalain-laing ahensya sa gobyerno para sa 2026 National Budget.
Lapas na sa tungang gabii karong adlawa ug ang kataposang hisgotan mao ang deliberasyon alang sa special purpose fund o Lumpsum funds budget para sa 2026.
Ang proposal sa nasudnong budget alang sa tuig 2026 adunay kinatibuk-an nga P6.793-trilyon.
Kahinumduman nga niadtong Septiyembre 22 nagsugod ang deliberasyon sa budget proposal sa nagkadaiyang ahensya.
Ang panahon sa pag-amendar sa House Bill 4058 o ang 2026 General Appropriations Bill o GAB gitakda sa Oktubre 10.
-- ADVERTISEMENT --
Target sab sa Kamara nga mapasar ang GAB sa ikatulo ug katapusang pagbasa sa Oktubre 13.
