-- ADVERTISEMENT --
GENSAN – Gipahimangnoan sa Waste Management Unit nga adunay multa nga P1,000 hangtud P5,000 ang bisan kinsa nga madakpan nga dili maghimos ug magbutang sa basura sa tama nga labayanan.
Sumala sa hepe sa WMU nga si Ferdinand Pareja, nasubay kini sa balaud ug kinahanglan nga ipatuman aron mapadayon ang kalimpyo ug hapsay nga kahimtang sa dakbayan.
Gidugang pa niini nga kung adunay makitang susamang mga kalapasan, mas maayo nga picturan kini ug iduol dayon sa ilang buhatan aron matubag ug mahatagan dayon og tukmang aksyon.
Gipasabot ni Pareja nga padayon ang kampanya sa ilang opisina batok sa dili hustong paglabay sa basura ug gilauman nga pinaagi sa balaud ug multa, mahimong disiplinado ang publiko sa pagtahod sa kalimpyo sa palibot.
