GENSAN-Gipahayag ni City Vice Mayor Yumang nga dili mahitabo sa Pilipinas ang grabeng kagubot nga nasinati sa Nepal tungod sa protesta bahin sa korapsyon.
Gihisgutan niya ang kalit nga kagubot nga gihimo sa mga kabatan-unan sa Nepal, partikular sa Gen-Z, nga grabe ug agresibo ang ilang pagprotesta.
Apan, gipaklaro sa vice mayor nga lahi ang panan-aw ug pamatasan sa mga kabatan-onan sa Pilipinas.
Gipahinumdom niya ang nahitabo sa EDSA People Power, diin ang protesta nagpadayag sa kusog sa katawhan apan walay grabe nga kagubot o unsa mang bayolente nga nahitabo.
Kini gikumpara sa sitwasyon sa Nepal nga puno sa agresibong mga kalihokan.
Gipasiguro usab ni Vice Mayor Yumang nga dili mahimong mausab ang sama nga sitwasyon sa Pilipinas tungod sa lig-on nga konstitusyon ug sa pagdumala pinaagi sa balaod.
