Bisan pa ug nagsul-ob og maskara sa nawong, usa ka lalaki nga gipangita sa balaod ang giila ug gidakop tungod sa iyang online live selling.
Bisan natabunan ang iyang nawong, makita ang iyang tattoo sa iyang bukton nga maoy nagdala ug tigaw ug nadakpan ang nasampit.
Sumala pa nga gipangita sa mga otoridad ang lalaki tungod sa mga kasong estafa ug carnapping nga giatubang niini.
Matod sa mga otoridad, nakadawat silag impormasyon bahin sa suspek dihang nakita nila nag live selling sa online ug namatikdan ang porma sa nawong niini ug ang tattoo sa bukton.
Gisubay sa mga otoridad ang suspek sa Lubao, Pampanga, ug didto gidakop.
Matod sa PNP-HPG, gipasakaan og kasong estafa ang suspek tungod sa mga fraudulent transaction sa pagpalit og anime figurines nga nagkantidad og P800,000 ngadto sa P900,000.
Matod sa suspek, iya nang nahinabi ang mireklamo batok kaniya.
Giawhag usab sa PNP-HPG ang ubang biktima sa suspek nga mokontak kanila aron pasakaan og kaso
