22-anyos nga suspek sa pagpamusil kay Charlie Kirk anaa na sa kustodiya sa FBI

Nasikop na sa mga otoridad ang suspek sa pagpusil kang Charlie Kirk.

Gikumpirma ni FBI Director Kash Patel ang ilang pagkustodiya kay Tyler Robinson.

Ang suspek nagsul-ob sa samang sapot nga iyang gisul-ob sa dihang siya namusil.

Gipahibalo usab ni Utah Governor Spenser Cox nga ang 22-anyos nga suspek dili estudyante sa Utah Valley University.

Ang mga otoridad padayong nagsusi sa motibo sa pagpamusil sa suspek.

Nagtuo si Cox nga ang pagpatay kang Kirk usa ka pag-atake sa tanan kanila.

Siya midugang nga si Kirk gipatay samtang nagpasiugda sa freedom of expression, nga nakapalisud sa mga tao nga dili na makapaambit sa ilang mga ideya ug gawasnon nga makasulti.