Usa ka nagmotorsiklo gikan sa Saudi Arabia ang nakabutang og bag-ong Guinness World Record human nihimo og talagsaong wheelie nga dul-an sa 1,000 feet ang gilay-on, samtang naggunit sa mga manibela sa motorsiklo gamit ang iyang baba.
Ang wheelie kay usa ka motorcycling stunt diin ang atubangan nga ligid sa motorsiklo gi-alsa sa hangin, samtang ang sakyanan gipaandar lamang sa likod nga ligid.
Si Ahmed Othman nihimo sa stunt didto sa Jeddah kung asa iyang gipaak ang handlebars sa motorsiklo ug gibalanse ang sakyanan samtang nag-wheel.
Nahimo niya nga mapadayon kini nga posisyon sa gilay-on nga 984 feet og 3 inches.
Kini opisyal nga giila nga “labing gilay-on nga wheelie sa motorsiklo gamit ang baba.”
Gipakita niini ang talagsaong kontrol ug kaisog sa usa ka rider, nga nagpamatuod nga ang akrobatiko nga paglihok posible bisan sa usa ka motorsiklo.
