-- ADVERTISEMENT --
Gibutyag ni Senate President Pro Tempore Panfilo “Ping” Lacson sa iyang privilege speech kagahapon ang giingong kwestyonable ug sobra ka grandioso nga pagpuyo sa upat ka engineers sa Department of Public Works and Highways (DPWH) sa Bulacan.
Ginganlan ni Lacson og “BGC Boys” ang grupo – dili Bonifacio Global City boys apan Bulacan Group of Contractors – nga gilangkuban nila Henry Alcantara, Brice Ericson Hernandez, Jaypee Mendoza ug Arjay Domasig.
Lakip usab sa grupo ang contractor nga si Edrick San Diego.
Nigamit sila og alyas ug peke nga government ID aron magsugal sa mga casino kung asa ilado sa ilang dagkong pusta.
Base sa research sa opisina ni Lacson, mikabat og P950 milyon ang napa-pildi sa lima.
-- ADVERTISEMENT --
