-- ADVERTISEMENT --
GENSAN– Nanawagan ang Public Safety Office (PSO) pinaagi sa labaw niini nga si Atty. Jong Gonzales nga kuhaon na sa mga tricycle operator ug driver ang ilang unclaimed kon wala makuha nga kopya sa prangkisa.
Gipasabot sa opisyal nga kinahanglan nga bitbit kini kanunay aron malikayan ang kalangan sa operasyon ug aron dili maapektuhan ang legalidad sa pagpamasada sa dakbayan.
Matod ni Atty. Gonzales, ang prangkisa maoy ligal nga basihanan sa pagbiyahe sa mga tricycle ug kinahanglan kini pirmihon ug regular nga i-update. Ang pasalig sa PSO mao nga ihatag ang tanang prangkisa nga wala pa nakuha.
Padayong niining ga-awhag sa mga driver nga gustong makaangkon og prangkisa nga moadto lang sa ilang buhatan aron makahikay sa mga requirements.
