Target sa Department of Agriculture (DA) nga ipaubos ang presyo sa ahos ngadto sa 100 pesos matag kilo sa nasod.
Matod ni Sec. Francisco Tiu-Laurel Jr nga sa pagkakaron, ang ahos gibaligya sa tag P130 ngadto sa P140 matag kilo.
Apan adunay pipila ka mga dapit diin ang presyo sa ahos niabot sa P180 matag kilo.
Matod ni Laurel, ilang nakita nga adunay “profiteering” sa industriya sa ahos, ug mahimo usab nga adunay kartel.
Matud pa ni Laurel nga isip solusyon, nag-hire sila og daghang mga tawo nga mo-import og ahos, tungod kay ang pagpalit sa ahos limitado sa pipila ka mga magdudula.
Nagtuo si Laurel nga sa daghang mga magdudula, mous-os ang presyo sa ahos.
Dugang pa ni Laurel nga ang Food Terminal Inc o FTI naglihok usab aron masulbad ang sitwasyon.
