Iduso ni Senador Raffy Tulfo ang balaod sa random drug testing alang sa mga napili ug gitudlo nga opisyal sa gobyerno karon.
Ang senador moduso og balaudnon alang niini human sa mandatory drug testing nga gipahigayon sa buhatan sa senador diin negatibo sa illegal nga drugas ang magbabalaod ug 55 ka mga kawani niini.
Ang tumong sa pag-institutionalize sa random drug test mao ang pagpalig-on sa integridad ug tulubagon sa gobyerno.
Gipasalig ni Tulfo nga iyang iapil sa balaudnon nga iyang ipasaka ang hukom sa Korte Suprema (SC) nga nagdeklarar nga unconstitutional ang mandatory drug test sa mga kandidato sa eleksyon, mao nga ang mga kasamtangang opisyal sa gobyerno lang ang mahimo.
Gihagit pa sa magbabalaod nga kon walay itago, walay angay ikahadlok ang mga incumbent officials sa random drug test tungod kay kini mao ang pagpanalipod sa integridad sa atong institusyon ug pagsiguro nga ang mga lider tinuod nga moserbisyo sa publiko.
