Nanawagan ang legal counsel ni Pastor Apollo Quiboloy sa gobyerno nga gamiton ang katungod niini sa paggamit sa soberanya ug tugotan ang iyang kliyente nga husayon sa lokal nga korte sa dili pa ikonsiderar ang posibleng extradition ngadto sa Estados Unidos.
Matod ni Atty. Israelito Torreon, wala pa silay nadawat nga opisyal nga dokumento nga nagpamatuod nga adunay pormal nga hangyo alang sa extradition sa iyang kliyente.
Apan si Torreon niingon nga kon aduna man, ilang gitahod ang katungod sa gobyerno sa Estados Unidos subay sa kasamtangang extradition treaty tali sa US ug Pilipinas.
Apan, gikutlo ni Torreon ang Article 11 ng treaty, nga nag-ingon nga ang gihangyo nga nasud – sa kini nga kaso, ang Pilipinas – adunay kagawasan sa pagdesisyon kung hatagan ba ang extradition, labi na kung ang akusado nag-atubang na sa mga kaso sa nasud.
Kahinumduman nga gikompirmar ni Philippine Ambassador to the United States Jose Manuel Romualdez nga gihangyo sa Estados Unidos ang extradition ni Quiboloy.
Anaa sa kustodiya sa Pasig City Jail si Quiboloy samtang nagpaabot sa desisyon sa iyang motion for reconsideration sa pagdumili sa iyang gipangayo nga piyansa.
Gipangita usab kini sa Federal Bureau of Investigation alang sa mga kaso nga may kalabotan sa sex trafficking ug bulk cash smuggling sa Estados Unidos.
