GENSAN– Gisiguro sa lokal panggamhanan sa Gensan nga tabangan ang mga na-displace nga traysikol driver nga apektado sa gihimong operasyon batok kolorum nga tricycle sa syudad.
Sa nahimong pahayag ni Gensan City Administrator Shandee Llido-Pestaño sa pakighinabi kaniya nga andam muhatag og laing panginabuhian ang LGU Gensan sa mga nasampit. Gani hugot ang koordinasyon sa City Mayors Office uban sa iyang opisina ngadto sa City Social Welfare and Development Office alang sa maong plano.
Sa karon, padayong gina-profile ang mga nasampit aron mabuhatan ug tukmang programa o panginabuhian alang kanila.
Samtang sa pamahayag ni Llido nga pursigido ang lokal nga panggamhanan nga mahatagan na og kasulbaran ang dugay nang suliran sa siyudad ilabina sa sektor sa transportasyon.
