-- ADVERTISEMENT --
Adunay gamay nga pagtaas sa kaso sa African Swine Fever (ASF) karong panahon sa ting-ulan. Si Agriculture Asec. Arnel de Mesa, tigpamaba sa Department of Agriculture (DA), niingon nga ang gidaghanon sa mga aktibong kaso sa ASF misaka gikan sa 20 ngadto sa kapin sa 50.
Lakip sa nakitaan og daghang kaso sa ASF mao ang Bohol. Hinuon, gipasalig sa DA nga wala nay mahitabong resurgence o posibleng pagsaka sa ASF sama sa miaging tuig.
Matod ni De Mesa, aduna pay nahabilin nga bakuna nga ipang-apod-apod sa Bureau of Animal Industry (BAI). Unahon nila ang pagbakuna sa mga lugar nga adunay aktibo nga kaso.
