Nagsinamok ang mga barko sa China Coast Guard (CCG) sa gipahigayong Kadiwa operations sa Philippine Coast Guard (PCG) sa Bajo de Masinloc nitong linggo.
Matod kang Commodore Jay Tarriela, tigpamaba sa PCG alang sa West Philippine Sea, samtang nagdala og ayuda alang sa mga mananagat nga Pilipino pinaagi sa Kadiwa program, pipila ka barko sa China ang agresibong miharang sa mga barko sa Pilipinas.
Tunga sa tensyon, duha ka barko sa CCG ang nagkabanggaanay sa usag-usa samtang gisulayan nga pugngan ang operasyon sa PCG.
Gawas sa banggaanay, gigamitan usab og water cannon ang mga barko sa PCG og Bureau of Fisheries and Aquatic Resources (BFAR), lakip ang BRP Bagacay og BRP Bankaw, nga nakaangkon ugdamyos sa pipila ka bahin sa barko.
Sumala sa PCG, upat ka barko sa CCG og unom ka Chinese maritime militia vessels ang nalambigit sa insidente.
Gisaway sa PCG ang gihimo sa China.
