Nipaambit ang managsilingan nga sila si Rey Lause ug Limo Timogan nga taga Pampanga sa usa ka makapakurat nga nadiskobrehan human giingong nakit-an ang mga karaang sensilyo, bulawan, ug alahas gikan sa punso nga ilang gikalot sa usa ka bakanteng lote.
Matod sa duha, nakaplagan nila ang usa ka itom nga kahon kaniadtong Mayo 11, nga adunay sulod nga mga karaang tinag-piso nga kaniadtong pang 1972 ug 1974, ingon man mga sensilyo sa US ug usa ka perlas nga kwintas.
Kaniadto nagtrabaho sila sa pest control ug karon nag sarili na ang mga nasampit ug gina-vlog ang ilang mga pagpangkalot sa mga punso.
Bisan tuod giangkon nila nga nahadlok sila sa posibilidad sa kasuko sa mga duwede nga nagpuyo sa maong mga punso, sila nagtuo nga kini mahimong usa ka panalangin gikan sa mga binuhat.
Ang duha mihimakak nga sila mismo ang naglubong sa kahon, samtang ang tag-iya sa yuta nagdumili sa paghatag og komento tungod kay wala sila nananghid sa nasampit nga tag-iya.
Samtang, gisusi sa usa ka antique collector ang kantidad sa mga nakalutan nga mga butang ug daghan ang naghulat kung kini ba ang magdala kanila sa usa ka kaginhawaan nga panginabuhi.
