Giangkon ni Baron Geisler nga nakagamit siya og ilegal nga droga sulod sa iyang station network sa wala pa siya mopasundayag sa programa sa ASAP, kaniadtong kasagsagan sa iyang karera isip kabahin sa “Tabing Ilog” ug sa dance trio nga “The Koolits.”
Sa usa ka interbyu gipaambit sa aktor mibalik siya sa iyang ngitngit nga kagahapon ug sa unsang paagi kini nagdala kaniya sa pagkaadik.
Matod ni Baron, nagsugod siya sa paggamit sa droga ug pag-inom og alkohol sa edad nga 12 ngadto sa 14, ug sa edad nga 14 migamit na siya sa mas delikadong mga droga sama sa meth.
Gibutyag usab niya nga kulang siya sa emosyonal nga koneksyon sa iyang mga ginikanan, nga giubanan sa estrikto ug isog nga pagdisiplina.
Giangkon pa ni Baron nga nahimo siyang “addicted” sa pamati niini nga daw untouchable siya, ilabi na nga gigamit sa iyang pamilya ang ilang mga koneksyon aron maluwas siya sa kasamok.
Gipaambit usab niya ang uban pang lisud nga mga kasinatian sama sa pagkabilanggo, pagbalik sa bisyo pagkahuman sa pagkamatay sa iyang inahan, ug pagpamalit og P1 milyon nga kantidad sa cocaine.
Sa kataposan, nangayo siyag tabang sa iyang mga igsuon aron makasulod sa rehabilitasyon. Giklaro usab niya nga pipila sa mga kontrobersiya nga iyang nalambigitan human sa rehab kabahin lang sa social experiment aron manipulahon ang sistema.
