Mukabat na og 30 ka tawo ang namatay tungod sa sunod-sunod nga bagyo nga Crising, Dante, Emong, ug sa kusog nga hanging habagat nga nakaapekto sa daghang bahin sa Pilipinas.
Sumala sa Office of Civil Defense, siyam sa mga ang namata ang gikan sa Metro Manila, ug duha sa Central Luzon nga kadaghanan sa mga namatay ang nalumos o nakuryentihan.
Sa datos nga nakuha sa National Disaster Ri9sk Reduction and Management Council ( NDRRMC), nga tulo ang namatay sa Western Visayas, tulo usab sa Negros Island Region, ug tulo sa Northern Mindanao.
Samtang tag usa ang namatay sa MIMAROPA, Davao, Caraga, ug Central Luzon.
Usa sa mga biktima ang nakuryente sa Bulacan, samtang duha ang natumbahan og kahoy sa Camiguin ug Surigao del Norte.
Sa laing bahin, pito pa ka tawo ang missing nga natala nga gikan sa Western Visayas, Central Luzon, Metro Manila, ug CALABARZON kung asa 10 ang nasamdan.
Gibanabana nga 5.2 milyones ka katawhan ang naapektuhan sa tibuok nasud, tungod sa grabe nga pag-ulan ug pagbaha.
Tungod niini, gideklarar ang state of calamity sa 84 ka lugar aron dali mapagawas ang emergency funds ug ipatuman ang price freeze sa mga suplay sama sa bugas ug ubang batakang panginahanglan.
