Apil si two-time world champion Carlo Biado og 16 paka mga top Filipino cue artists sa umaabot nga World Pool 9-Ball Championship nga ipahigayon sa Green Halls sa Jeddah, Saudi Arabia karong Hulyo 21 hangtod 26, 2025.
Pangunahan ni 2017 World 9-Ball Championship og 2024 World 10-Ball Championship king Biado ang 16 pa ka mga Pinoy cue artists nga may $1M guaranteed prize.
Ang ubang pinoy cue artist nga apil sa maong kompetesyon mao silang Johann Chua, AJ Manas, James Aranas, Lee Van Corteza, Jefrey Roda, Anton Raga, Bernie Regalario, Roland Garcia, Alexis Ferrer, Jeffrey Ignacio, Marvin Asis, Marlon Caneda, Patrick Gonzales, Michael Baoanan, Mark Kalagayan, ug Michael Feliciano.
Ang laing mga makaatbang nga mga international players mao silang defending world champion Fedor Gorst gikan sa USA, ug mga kanhi kampeon nga sila Francisco Sanchez Ruiz sa Spain ug Shane Van Boening sa Amerika.
Apil sab sa torneyo ang mga crowd favorites nga sila Joshua Filler sa Germany, Ko Pin Yi sa Chinese Taipei, ug Jayson Shaw sa Great Britain.
Gibana-bana nga 128 ka players gikan sa nagkadaiyang nasud ang apil sa maong prestihiyosong torneo nga gilauman maghatag og dako nga dungog sa kada nasud nga ilang girepresenta.
