Giawhag sa Department of Interior and Local Government (DILG), ang tanang local LGU’s sa tibuok nasod sa paghimog mga ordinansa nga adunay dagkong multa ug pagkakulong sa mga “prank callers” sa emergency 9-1-1.
Matod ni Interior Secretary Jonvic Remulla, kinahanglan adunay “monetary fines” ug ”jail time” para sa mga prank callers aron nga mapugngan sila sa paggamit sa “emergency line” alang sa mga pranks.
Adunay mga kapabilidad sa pagsubay sa ilawom sa bag-ong sistema sa emergency 9-1-1, nga adunay gitawag nga “geofence” ug “geodata” aron dali nga mailhan kon kinsa ang mga ”prank callers”.
Og kinsa man ang mapamatud-an nga nakalapas sa balaod mahimong mapriso hangtod sa lima ka tuig ug magmulta hangtod sa kwarenta mil ka pesos ubos sa kasamtangang Presidential Decree 1727.
