Daghang mga huwes sa Pasig Regional Trial Court (RTC) ang nakadawat og mga hulga. Ang tigpamaba sa Korte Suprema nga si Camille Ting nikumpirma sa maong mga hulga nga nagpunting sa mga judges.
Ang maong mga hulga gihimo pinaagi sa email nga gipadala ngadto sa Pasig RTC. Si Ting wala maghatag ug laing detalye bahin sa maong mga hulga.
Tungod niini, gidugangan sa Supreme Court ang seguridad sa Pasig RTC aron masiguro ang kaluwasan sa mga huwes, mga personahe sa korte ug kadtong moadto didto.
Giawhag nila ang publiko nga magmabinantayon ug suportahan ang proseso sa hudisyal nga adunay pagsalig ug pagtahod.
Ang Pasig RTC maoy nagdumala sa mga kaso nga nalambigit kang Pastor Apollo Quiboloy sa Kingdom of Jesus Christ ug kanhi Bamban, Tarlac Mayor Alice Guo.
